مبدعون – للمقالات المتميزة

الآيـــــــــــةالثـــــــــــالثة
الزَّانِي لَا يَنكِحُ إلَّا زَانِيَةً أَوْ مُشْرِكَةً وَالزَّانِيَةُ لَا يَنكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ
الآية دى فيها جزء مهم جدا
ياريت نركز فيها
عودة للمسابقة مرة اخرى
كل حد فينا يفكر فى معنى الآية

الكريمة قبل ما يقرا التفسير؟؟؟؟
هااا ..فهمت ايه ؟؟؟
اقولكم ان الزانى لا يتزوج الا بزانية

او مشركة وكذلك الزانية لا يتزوجها

الا زان او مشرك
ولا يتزوج اى منهما احد من

المؤمنين
خطأ
المرة دى خانكم التفكير ..ليه باه؟؟؟؟
هو ده قول وتاويل ضعيف
لان الزانية حتى بعد وقوعها فى

هذه الفاحشة فهى مازالت مسلمة
فهل يحل لمسلمة ان تتزوج بمشرك ؟؟؟لا طبعا
لذلك القول الى رجحه اغلب اهل

العلم فى تفسير الآية
ان الزانى لا يطاوعه على فعل

هذه الفاحشة فى وقتها الا زانية

او مشركة وكذلك الزانية لان المشرك

او الزانى لا يرى حرمة الزنا
اما المؤمنين فهم يعلمون حرمته

جيدا فلا يقدمون عليه
اللهم احفظ المسلمين جميعا

من كل شر وسوء
ياترى حد فهم حاجة؟؟؟؟
طيب ممكن سببنزول الآية يوضح معناها اكتر
الآية نزلت فى رجل اسمه “مرثد

بن ابى مرثد”هو كان مسلم وكان

بيذهب الى مكة فى السر والخفاء

حتى يحل الاسرى من المسلمين ليهاجروا الى المدينة
وكانت له صديقة فى الجاهلية

تسمى عناق
فلما راته فى الليل عرفته ونادته

فاجابها
فدعته الى البيات عندها
فقال لها”يا عناق حرم الله الزنا ”
فلما ابى ذلك كشفت امره

للمشركين
ولكنه اختبا فى غار واستطاع

الهرب من المشركين حتى وصل

المدينة
فقال لرسول الله
“كان لى بعض التعلق بعناق ؛أتزوج

عناق يا رسول الله”
فلم يرد رسول الله عليه حتى نزلت

الآية الكريمة تنهاه عن زواجها

انتهت الآية

الله المستعان

*****************************

الآيــــــــــــــة الرابــــــــــعة

وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاء فَاجْلِدُوهُمْ ثَمَانِينَ جَلْدَةً

وَلَا تَقْبَلُوا لَهُمْ شَهَادَةً أَبَداً وَأُوْلَئِكَ هُمُ الْفَاسِقُونَ
يرمـــــــــون:بمعنى يقذفــــــــــون
الآيةالكريمة بتوضح حد من حدود الله
وهو حد قذف المحصنات
يعنى ايه؟؟؟؟
هو حد ممكن نقول انه بيحمى

مجتمعنا من القيل والقال والخوض

فى اعراض الناس بغير علم
لان ده فعلا بيترتب عليه كوارث

ومصائب شديدة للاسرة
واشهر مثال فى تاريخ الاسلام
اللى حصل فى حادثة الافك واتهام السيدة عائشة رضى الله عنها

وارضاها بالباطل
وللاسف القصة تناقلتها الالسنة

وخاض فيها بعض الصحابة
فكان لازم يكون فى حدود للمجتمع الاسلامى

فى هذا المجال
طيب يعنى ايه برده القذف ؟؟؟واى

كلمة تعتبر قذف؟؟؟
القذف ان حد يتهم حد بالزنا مثلا او

يقول ان فلان ده مش ابن فلان او

يتهم حد بفعل قوم لوط
كل دول يطبق عليهم حد القذف

لو ما كنش فى اربعة شهداء على

ما يقول
وحد القذف يطبق حتى لو كان المقذوف(اللى الناس اتكلمت عنه)

رجل او امراة
لسه معايا ولا الموضوع قفل؟؟؟

والله التمس لكم العذر
هانت خلاص
طيب سؤال فى المسابقة
يعنى ايه المحصنات؟؟؟وليه اختصت بالذكر؟؟؟
المحصنات ..بمعنى الحرائر و العفيفات والمسلمات
المحصنات تم تخصيصها لان النساء

هى الى بتتاثر اكتر باى كلام واللفظ ممكن يشمل برده الرجال والنساء

ويكون المعنى الانفس المحصنات
حاجة مهمة
ايه شروط القاذف والمقذوف؟؟؟
زمانكم بتقولوا ايه الحرب دى الى

من اول شرح الآية
بس هو ده الاسم الصح الى لازم

نعرفه
شروط القاذف(اللى هوا هيتطبق

عليه الحد
انه يكون بالغ وعاقل
وشروط المقذوف (اللى اتقال عليه

الكلام
انه يكون مسلم وحر وعفيف وبالغ

وعاقل
وبالمرة عشان نفرح الأخوات

نقول شروط الشهداء
اجتمع اهل العلم
ان شهادة المراة لا يعتد بيها (يعنى

ما لهاش لازمة
فى الحدود ولا فى القصاص
وكذلك فى القذف (الحمد لله احنا

ما لناش دعوة

بالحاجات دى
طيب خلاص بعد اجتماع الشروط

فى القاذف والمقذوف وعدم توافر الشهداءالاربعة (بمعنى ان لو تلاتة شهدوا فقط يتجلدوا التلاتة
يتم تطبيق الحد على القاذف طبعا

ويجلد 80 جلدة ولا تقبل له شهادة

ابدا ويعتبر من الفاسقين(اى مرتكب لكبيرة من الكبائر
والله الحدود دى فعلا بتحمى المجتمع وتحمى

العرض من كل سوء ولو طبقناه فى زماننا
كان اكيد هتختفى مشاكل كتيييييير
وحد القذف ده هيتطبق على ناس كتيييييييير اوى
يعنى تلاقى الشباب او الاطفال الى

مش كويسين
تلاقيهم بيسبوا بعض فى الشارع

بالفاظ فعلا يستحقوا تطبيق الحد

ده عليهم عشان يرتدعوا عنها
بقيت نقطة اخيرة
فى حاجة اسمهاالتعريض بالقذف
يعنى ايه؟؟؟؟
يعنى ممكن تشكيك فقط دون

تصريح
مثلا حد يقول اشك ان فلان ابن

فلان او كده
والتعريض ده لا يعد قذفا على راى

اغلب العلماء
ليه؟؟؟
لان اتى رجل لرسول الله
وشكا له ان امراتهولدت غلاما اسودا
فاقنعه رسول الله انه ممكن يكون

نزعه عرق (يعنى وراثة او كده من

الجدود
ولم يقم عليه الحد
الحمد لله كده انتهينا من الجزء

الصعب فى الشرح
هانت خالص
والآيات اللى جاية اسهل بكتيييير

ان شاء الله

بحث وكتابة :: البحث عن الحياة (ام مريم)

السلام عليكم ورحمة الله
اخوتى فى الله
ان شاء الله نبدا فى هذه الحلقة تفسير اول صفحة من سورة النور
لكن فى حاجة لازم نوضحها فى الاول
تقريبا الصفحة دى هى اكتر صفحة فيها احكام وكده
يعنى الروحانيات والايمانيات قليلة شوية
لكن والله فهم الاحكام جميل جدا وكمان بيسهل علينا الحفظ كتير
فالموضوع عايز صبر شوية وقراءة بتركيز على قد ما نقدر
وفعلا لو خرجنا من الآيات بفهم حتى خمسين فى المائة فان شاء الله ده يبقى كويس
وندعو الله جميعا “واختكم قبلكم “ان ربنا يرزقنا الفهم والصبر باذن الله
هو كنت فكرت فى حاجة لتسهيل آيات الاحكام يارب نطبقهم كلنا
وهـــــــي .. ان شاء الله نستعين مع التفسير بعلم جميل من علوم القرآن
وهو علم اسباب النزول :: هو باختصار بيحكى قصة نزول كل آية
وطبعا بما اننا كلنا بحب القصص والحكايات فان
فان شاء الله ده هيفيدنا كتير

*******************

الآية الاولى
سُورَةٌ أَنزَلْنَاهَا وَفَرَضْنَاهَا وَأَنزَلْنَا فِيهَا آيَاتٍ بَيِّنَاتٍ لَّعَلَّكُمْ تَذَكَّرُونَ.
كنا شرحنا الآية فى المقدمة
وقلنا ان السورة لم تبدا بمقدمات او كده لاهمية الاحكام دى
وقلنا كمان انها مرسوم ملكى من الملك سبحانه وتعالى
وفرض علينا فهمها والعمل بآياتها باذن الله
نسال الله ان يعيننا على فهمها والعمل بها

************

الآية الثانية
الزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ
الآية بتتكلم عن حد مهم جدا فى حياتنا
هو حد لفاحشة الزنا والعياذ بالله .. يعنى عقوبة رادعة حددها الله عزوجل لكل من وقع او وقعت فى هذه الفاحشة

سؤال
ليه ذكرت الزانية قبل الزانى ؟؟؟؟

اكيد كلكم عرفتوه .. طبعا لان للاسف البنت او كده هى السبب الاساسى
(مع اعتذارى لكل الاخوات)
وده
مش ظلم ليها ولا حاجة .. لان فعلا لو الاخت خرجت من بيتها متعففة ومتحصنة
بالحجاب
الشرعى الى ربنا فرضه عليها .. فهى فعلا بتساعد كل شاب على
العفة
لكن للاسف لو
خرجت متبرجة وبالاحوال الى احنا بنشوفها اليومين دول فهى للاسف فتنة لكل

الشباب .. وحتى لو كانت هى نفسها محترمة وكده .. فهى ممكن بلبسها ده تشجع الشاب على
معصية او كده وتكون للاسف فى ميزان سيئاتها ايضا

وَلَا تَأْخُذْكُم بِهِمَا رَأْفَةٌ فِي دِينِ اللَّهِ إِن كُنتُمْ تُؤْمِنُونَ

بِاللَّهِ وَالْيَوْمِ الْآخِرِ
سبحان الله ربنا اعلم بنفوسنا .. وعالم ان الحد ده ممكن يبقى

صعب علينا
فحذرنا ان احنا نتهاون فى تطبيق الحد او كده بسبب الشفقة
فتلاقى مثلا .. فى ناس للاسف مسلمين وكل حاجة .. لكن بيقولوا

كلام غريب فى الحاجات دى
يعنى بيقولوا .. معقول الى يسرق نقطع ايده .. يااااى ايه ده هو

مفيش رحمة؟؟؟
رحمة ايه ياجماعة .. هو احنا هنختار الحدود براحتنا .. ده شرع ربنا

الى خلقنا وهو اعلم بنفوسنا واعلم بالعقوبة الى تناسب نفس كل

حد فينا
وكمان لو جينا نقارن ايام الصحابة وكده بايامنا دلوقتى .. هنلاقى

حوادث الزنا الى وصلتلنا تتعد فعلا على الاصابع .. اما دلوقتى لما

تركنا تطبيق الحدود وحكمنا عقولنا القاصرة.. فنلاقى الفواحش

للاسف انتشرت فى كل مكان

كمان هو تطهير لكل من قام بالفاحشة دى من ذنوبه .. وتوبة له عند

الله كما شهد رسول الله بذلك للمرأة الغامدية
وربنا جعل تطبيق الحد ده شرط للايمان فى قلوبنا والتسليم

بحكم الله

لكن فى حاجة مهمة .. من المسئول عن تطبيق الحد ؟؟؟؟؟
ولاة الامر فقط .. يعنى ما يجيش واحد مهما بلغ علمه او مكانته

ويقول ده فلان الفلانى
وقع فى الزنا .. يلا نقيم عليه الحد.. لأ ما ينفعش كده اطلاقا

وَلْيَشْهَدْ عَذَابَهُمَا طَائِفَةٌ مِّنَ الْمُؤْمِنِينَ
يعنى لازم يكون فى شهود على العذاب ده
علشان تهذيب النفوس .. ولو اى حد نفسه بتحدثه بمعصية او كده

يتراجع فورا عن ذلك
فى حاجتين مهمين فى آخر الآية

على من يجب تطبيق الحد ؟؟؟
يطبق الحد على الانسان البالغ العاقل ويخفف على الاماءوالعبيد الى نصف العقوبة
وتم التوضيح فى حديث لرسول الله صلى الله عليه وسلم .. ان البكر

تجلد مائة وتنفى من بلدها لمدة عام
اما الثيب فيجلد مائة ويرجم

بقى كلمة فى النهاية :: ان فى اوامر كتيييييير امرنا ربنا بيها علشان

يحمينا حتى من مجرد فتح باب للشيطان ممكن يؤدى الى هذه الفاحشة ..طبعا اهمها الحجاب الشرعى للاخوات ..غض البصر للاخوة والاخوات ايضا

عدم الخضوع بالقول للاخوات ايضا.. ونسال الله ان يحفظنا جميعا من

كل سوء وكل شباب المسلمين
طبعا اكيد ملاحظين التفسير مختصر جدا ..ربنا يقويكم ويرزقكم الصبر

يتبع باذن الله تعالي

من بحث وكتابة :: البحث عن الحياة (ام مريم)

اللَّهُ نُورُ السَّمَاوَاتِ وَالْأَرْضِ مَثَلُ نُورِهِ

كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ

الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ

مُّبَارَكَةٍ زَيْتُونِةٍ لَّا شَرْقِيَّةٍ وَلَا غَرْبِيَّةٍ يَكَادُ

زَيْتُهَا يُضِيءُ وَلَوْ لَمْ تَمْسَسْهُ نَارٌ نُّورٌ عَلَى

نُورٍ يَهْدِي اللَّهُ لِنُورِهِ مَن يَشَاء

عندما نتعرض لكلام الله بالحديث تقف الكلمات

حيري عاجزة قاصرة عن التعبير عن روعة هذا

الاعجاز القرآني الرباني الذي يتجلي نورا يضيء في الظلمة الحالكة

ظلمة الطريق علي بعده وظلمة القلوب في نسيانها

نور علي نور

عندما نتلمس للقلب طريقا يمسح عنه عناء السفر

وطول الرحلة نلجأ للكلمات وليست كل الكلمات ككلام الله

سبحانه له المثل الاعلي

نور علي نور

بين حنايا الكلمات .. بين اوامر ونواهي واحكام

تبصر في الاحرف نورا يملأ قلبك تستشعر في

القلب جلال الخالق وجمال القدوس ورحمة الرحمن

انه الله

قلها ولا تسل الا قلبك ماذا فعلت فيه

نور علي نور

بقلم : رباب عبد القادر